January 9, 2017 at 11:19 pm

“Haradinaj është heroi më i madh i gjallë i Kosovës, prandaj Serbia e ka halë në sy”

loading...


Avokati Arianit Koci e ka cilësuar si heroin më të madh të gjallë të Kosovës, Ramush Haradinajn, që po vazhdon të mbahet në Francë si i arrestuar me fletarrest të Serbisë, të lëshuar në INTERPOL më 2004.

“Prandaj Serbia e ka halë në sy dhe mezi nuk pret që ta dëmtojë figurën e tij”, ka thënë Koci, në “Interaktiv” të KTV-së.

Koci ka folur edhe protestat që po organizohen për ta përkrahur Haradinajn. Ka thënë se ato janë e drejtë legjitime e qytetarëve, dhe përderisa nuk janë të dhunshme nuk e pengojnë asgjë procesin e lirimit të Haradinajt nga arresti në Francë. Por ka thënë me siguri të plotë se ato as nuk kanë kurrfarë peshe për lirimin e tij.

loading...

Avokati ka thënë se as që do ta shikojë seancën e jashtëzakonshme të Kuvendit të Kosovës, që është thirrur për të diskutuar për ndalimin e Haradinajt. Ka thënë se ka punë në grumbullimin e fakteve për mbrojtjen e ish-kryeministrit e ish-komandantit të Zonës Operative të Dukagjinit.
“Ata mund të mblidhen e të nxjerrin një Rezolutë. Rezoluta i ka anët e veta pozitive, por në mbrojtjen tonë ajo nuk ka kurrfarë peshe. Nuk ndikohet drejtësia franceze nga rezoluta e Kuvendit të Kosovës”, ka thënë me bindje Koci.

Koci, nuk ka mundur të tregojë nëse Haradinaj do të mund të udhëtojë në Shtetet e Bashkuara të Amerikës, për inaugurim të presidentit Donald Trump, ceremoni për të cilën thoshte se ka ftesë zyrtare.

Në mediat kosovare ka pasur zëra se ndalimi i tij është bërë për ta penguar në këtë udhëtim. Koci nuk ka dashur t’i komentonte këto deklarata, duke thënë se “nuk jam i prirë të besoj në konspiracione”.

Shperndaje në Facebook.